Europe - Otta Nottathil - cambridge_mayor_baiju_thittala_received_italay_hon

Advertisements

കേംബ്രിഡ്ജ് മേയര്‍ സോളിസിറ്റര്‍ ബൈജു തിട്ടാലയ്ക്ക് ഇറ്റലി ഓണററി പൗരത്വം നല്‍കി

ജോസ് കുമ്പിളുവേലില്‍

നേപ്പിള്‍സ്: കേംബ്രിഡ്ജ് മേയറും ക്രിമിനല്‍ ഡിഫന്‍സ് സോളിസിറ്ററുമായ ബൈജു തിട്ടാലയ്ക്ക് ഇറ്റലി ഓണററി പൗരത്വം നല്‍കി ആദരിച്ചു. മുനിസിപ്പല്‍ സെക്രട്ടറി ഡോ.മരിയ മിഖയേല മേയര്‍ ബൈജുവിനെ ചടങ്ങില്‍ സദസിന് പരിചയപ്പെടുത്തി. മേയര്‍ സര്‍ പാസ്ക്വേല്‍ മാര്‍ഷെസ് ആണ് ഇറ്റാലിയന്‍ പൗരത്വം ബൈജുവിന് കൈമാറിയത്. കാസ്ററല്ലൂസിയോ മേയറാണ് ചടങ്ങ് സംഘടിപ്പിച്ചത്.

ദൗനി പര്‍വതനിരകളും ഇംഗ്ളണ്ടും തമ്മിലുള്ള ബന്ധത്തിലൂടെ രണ്ടു നഗരങ്ങളുടെ സാംസ്കാരിക വിനിമയം ശക്തിപ്പെടുത്തുന്നതിനായിട്ടാണ് ഇറ്റാലിയന്‍ പൗരത്വം നല്‍കി മേയറെ ബഹുമാനിക്കുന്നതെന്ന് സര്‍ പാസ്ക്വേല്‍ മാര്‍ഷെസ് പറഞ്ഞു. കാസ്ററല്ലൂസിയോ വാല്‍മാഗിയോറിന്റെ ഡെപ്യൂട്ടി മേയറും മിഷേല്‍ ജിയാനെറ്റയും, കേംബ്രിഡ്ജ് കൗണ്‍സിലറും മുന്‍ മേയറുമായ റോബര്‍ട്ട് ൈ്രഡഡന്‍ ജെ.പി. കൂടാതെ എംആര്‍ടിഎ, പിയറോ ഡി ആഞ്ചെലിക്കോ, ഗ്യൂസെപ്പെ, അബ്ദുള്‍ കായി അരയിന്‍ എന്നിവരും ചടങ്ങില്‍ പങ്കെടുത്തു. ഇറ്റാലിയന്‍ റിപ്പബ്ളിക്കിന്റെ സെനറ്റിലേക്ക് മേയറെ സെനട്രിസ് ഗിസില നാച്വറലെ ക്ഷണിക്കുകയും ചെയ്തു.

ഈ കമ്മ്യൂണിറ്റിയെയും ഓരോ വ്യക്തിയും പരസ്പരം വ്യക്തിപരമായി ബന്ധപ്പെട്ടിരിക്കുന്ന രീതിയെയും കാസ്റെറല്ലൂച്ചിയോ വാല്‍മാഗിയോറിലെ ജനങ്ങളെയും അഭിനന്ദിക്കുന്നതായി മേയര്‍ നന്ദി പ്രസംഗത്തില്‍ പറഞ്ഞു.

ജോലി, വൈവിധ്യങ്ങളെ ഉയര്‍ത്തിപ്പിടിക്കുന്ന പ്രതിബദ്ധത, സാമൂഹിക നീതി നേടിയെടുക്കാനുള്ള അക്ഷീണമായ പോരാട്ടം എന്നിവയ്ക്കായിട്ടാണ് ബൈജുവിന് ഇറ്റലിയില്‍ ഓണററി പൗരത്വം നല്‍കിയതെന്ന് മേയര്‍ ലേഖകനോടു പറഞ്ഞു.

ഏപ്രില്‍ 5 ശനിയാഴ്ച ഉച്ചകഴിഞ്ഞ് മൂന്നരയ്ക്ക് കാസ്ററല്ലൂസിയോ മുനിസിപ്പാലിറ്റി ഹാളിലാണ് പരിപാടികള്‍ സംഘടിപ്പിച്ചത്.
അപുലിയയിലെ ഫോഗ്ഗിയ പ്രവിശ്യയില്‍ 1226 നിവാസികളുള്ള ഒരു മുനിസിപ്പാലിറ്റയാണ് കാസ്റെറലൂസിയോ വാല്‍മാഗിയോറെ. ഇറ്റലിയ്ക്ക് പടിഞ്ഞാറ്~തെക്കുപടിഞ്ഞാറായി ഏകദേശം 31.5 കിലോമീറ്റര്‍ ചുറ്റളവിലാണ് കമ്മ്യൂണിറ്റി സ്ഥിതി ചെയ്യുന്നത്. നേപ്പിള്‍സ് സന്ദര്‍ശിക്കുന്നത് ഒരു ബഹുമതിയാണന്നും, കാസ്റെറല്ലൂസിയോ വാല്‍മാഗ്ഗിയോറെ, ഒര്‍സരാ ഡി പുഗ്ളിയ, ഫ്രഞ്ച് സംസാരിക്കുന്ന ഒരു അദ്വിതീയ പട്ടണമായ ഫ്രങ്കോ ~ പ്രൊവന്‍ഷ്യല്‍, ചരിത്രത്തിലും സംസ്കാരത്തിലും മുങ്ങിപ്പോയ ഒരു ഗ്രാമമായ കാലെ സാന്‍ വിറ്റോ തുടങ്ങിയ പ്രദേശങ്ങളും മേയര്‍ ബൈജു സന്ദര്‍ശിച്ചു. ഇവരുടെ ആതിഥ്യം വാക്കുകള്‍ക്ക് അതീതമാണന്നും മേയര്‍ പറഞ്ഞു.

- dated 07 Apr 2025

Comments:

Keywords: Europe - Otta Nottathil - cambridge_mayor_baiju_thittala_received_italay_hon_citizenship Europe - Otta Nottathil - cambridge_mayor_baiju_thittala_received_italay_hon_citizenship,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: